Press Releases

കോഴിക്കോട്‌: പ്രപഞ്ചോല്പടത്തിയില്‍ തുടങ്ങി, മഌഷ്യ സൃഷ്‌ടിപ്പിന്റെ വിവിധ തലങ്ങള്‍ പ്രതിപാദിച്ചുകൊണ്ട്‌, എം എസ്‌ എം സംസ്ഥാന സമിതി സംഘടിപ്പിക്കുന്ന "ദി മെസേജ്‌ മെഡിക്കല്‍ എക്‌സിബിഷന്‍' ഇന്ന്‌ (മെയ്‌ 3 വ്യാഴം) ബീച്ച്‌ മറൈന്‍ ഗ്രൗണ്ടില്‍ ആരംഭിക്കും. മെയ്‌ 5,6 തിയ്യതികളില്‍ കോഴിക്കോട്‌ ബീച്ചില്‍ നടക്കുന്ന കേരള മുസ്‌ലിം വനിതാ സമ്മേളനത്തിന്റെ ഭാഗമായാണ്‌ എക്‌സിബിഷന്‍ നടക്കുന്നത്‌.

കോഴിക്കോട്: കഴിഞ്ഞ ദിവസങ്ങളിലായി പരീക്ഷാഭവനുമായി ബന്ധപ്പെട്ട് പുറത്തുവരുന്ന വാര്‍ത്തകള്‍ യൂണിവേഴ്സിറ്റിയുടെ വിശ്വാസ്യത നഷ്ടപ്പെടുത്തുന്നതും ദൌര്‍ഭാഗ്യകരവുമാണെന്ന് എം എസ് എം സംസ്ഥാന സെക്രട്ടെരിയറ്റ് യോഗം അഭിപ്രായപ്പെട്ടു. സര്‍വകലാശാലയില്‍ കഴിഞ്ഞ വര്‍ഷം നടന്ന വിവിധ പരീക്ഷകളുടെ ആയിരക്കണക്കിന് ഉത്തരക്കടലാസുകള്‍ കാണാതായത് എം എസ് എം ഗൗരവ പ്രശ്നമായി നിരീക്ഷിക്കുന്നു. ഉത്തരക്കടലാസിന്റെ കൈപ്പറ്റല്‍ രേഖയും കൈകാര്യം ചെയ്യുന്ന ജീവനക്കാരനെക്കുറിച്ചുള്ള രേഖയില്ലാത്തതുമായ സാഹചര്യം ചോദ്യം ചെയ്യപ്പെടെണ്ടതുണ്ട്.

തിരുവനന്തപുരം: എം എസ്‌ എം സംസ്ഥാന സമിതി സംഘടിപ്പിക്കുന്ന മൂന്നാമത്‌ മെഡിക്കല്‍ എഞ്ചിനീയറിംഗ്‌ മോഡല്‍ എന്‍ട്രന്‍സ്‌ എക്‌സാം ‘ടിപ്‌സ്‌’ ഏപ്രില്‍ 5ന്‌ കേരളത്തിനകത്തും പുറത്തും വിവിധ കേന്ദ്രങ്ങളില്‍നടക്കും. എന്‍ട്രന്‍സ്‌ പരീക്ഷകള്‍ക്ക്‌ തയ്യാറെടുക്കുന്ന വിദ്യാര്‍ത്ഥികള്‍ക്ക്‌ പരീക്ഷാഭയം അകറ്റുന്നതിഌം സമയ ക്രമീകരണം പരിശീലിപ്പിക്കുന്നതിഌമാണ്‌ പരീക്ഷ സംഘടിപ്പിക്കുന്നത്‌. ഏപ്രില്‍ 3 ന്‌ മുമ്പായി രജിസ്റ്റര്‍ ചെയ്യുന്ന വിദ്യാര്‍ത്ഥികള്‍ക്കാണ്‌ പരീക്ഷ എഴുതാന്‍ അവസരം ഉണ്ടായിരിക്കുക. www.msmkerala.org/tips എന്ന വെബ്‌സൈറ്റില്‍ രജിസ്റ്റര്‍ ചെയ്യാവുന്നതാണ്‌.

കോഴിക്കോട്: സ്വവര്‍ഗരതി അനുവദിക്കാമെന്നും കുറ്റകരമല്ലെന്നുമുള്ള കേന്ദ്രസര്‍ക്കാറിന്റെ നിലപാട് അപഹാസ്യവും ലജ്ജാകരവുമാണെന്ന് എം എസ് എം സംസ്ഥാന സെക്രട്ടറിയേറ്റ് അഭിപ്രായപ്പെട്ടു. പാശ്ചാത്യന്റെ മലീമസ വിഴുപ്പുഭാണ്ഡങ്ങളെ സംസ്‌കാരവും പൈതൃകവുമുള്ള ഒരു രാജ്യത്തേക്ക് വലിച്ചു കൊണ്ടുവരുന്നത് ഏറെ ആശങ്കാജനകവും അപമാനകരവുമാണ്. ലോകം ഇന്ന് അനുഭവിക്കുകയും നിരാശയോടെ നെടുവീര്‍പ്പിടുകയും ചെയ്യുന്ന എയ്ഡ്‌സ് രോഗത്തിന് മുഖ്യ ഹേതുവായിത്തീരുന്ന സ്വവര്‍ഗരതി ഏതടിസ്ഥാനത്തിലാണ് നിയമവിധേയമാക്കുന്നതെന്ന് കേന്ദ്രസര്‍ക്കാര്‍ വ്യക്തമാക്കണം. സ്വവര്‍ഗരതി സംബന്ധിച്ച മുന്‍നിലപാടില്‍ നിന്ന് വഴുതിമാറിയതില്‍ നിഗൂഢതയുണ്ട്.